MAADHIMISHO YA WIKI YA MAJI KITAIFA DODOMA

“Hakuna atakayeachwa: Kuongeza kasi ya Upatikanaji wa Huduma ya maji safi na usafi wa mazingira kwa wote kutoka Dunia inayobadilika Kitabianchi” Hii ndio kauli mbiu ya maadhimisho ya wiki ya maji duniani, ambayo hapa nchini maadhimisho Kitaifa yamefanyika Jijini Dodoma.
Maadhimisho haya yalifanyika katika ukumbi wa St. Gaspar Hotel, Dodoma na yalikuwa na mambo makubwa matatu
1. Kongamano la Kisayansi
2. Taarifa ya Mwaka ya Mamlaka ya Udhibiti wa Nishati na Maji (EWURA)
3. Mapitio ya pamoja ya sekta ya maji
Pamoja na shughuli hizo pia kulikuwa na maonesho kutoka kwa wadau mbalimbali wa Maji.
Bodi ya Maji Bonde la Ziwa Victoria ni Miongoni mwa Taasisi za Serikali na Wizara ya Maji zilizoshiriki katika maonesho hayo, kongamano la Kisayansi pamoja na Mapitio ya pamoja ya sekta ya maji.
Katika kutoa elimu juu ya usimamizi wa Rasilimali za Maji ikiwa ndilo jukumu kuu la Bodi hii, Wataalamu walieleza umuhimu wa utunzaji sahihi wa Rasilimali za Maji kuwa ndio Msingi wa upatikanaji wa maji.
“Uhifadhi na Utunzaji thabiti wa vyanzo vya maji ndio msingi wa upatikanaji wa maji, kwa sababu kama vyanzo vya maji havitatunza na kuwa endelevu basi miradi ya maji haitopata maji ya kutosha kwa ajili ya mahitaji na matumizi mbalimbali, pia usanifu wa miradi ya maji utategemea kiasi cha maji kilichopo katika vyanzo vyetu” Afisa Uhusiano Bodi ya Maji Bonde la Ziwa Victoria Mhandisi Gerald Itimbula alieleza

Mwisho Bodi ya Maji Bonde la Ziwa Victoria ilitoa wito kwa wananchi wote kutunza na kuhifadhi pia kufuata taratibu na sheria zilizopo katika kuilinda Rasilimali hii muhimu.

Updated: 07/10/2019 — 2:53 nm
Privacy Policy | Terms | Copyright © 2018 Lake Victoria Basin Water Board Website Developed By LVBWB