Karibu kwenye tovuti ya Bodi ya Maji Bonde la Ziwa Victoria.

Tunafurahi kukukaribisha katika jukwaa letu rasmi linalokupa taarifa muhimu kuhusu usimamizi na uhifadhi wa rasilimali za maji katika Bonde la Ziwa Victoria.Bodi ya Maji Bonde la Ziwa Victoria ina jukumu la kusimamia, kulinda na kuendeleza matumizi endelevu ya rasilimali za maji kwa manufaa ya kizazi cha sasa na kijacho. Tunafanya kazi kwa kushirikiana na wadau mbalimbali kuhakikisha upatikanaji wa maji safi, salama na ya kutosha pamoja na kulinda mazingira ya bonde letu.

Kupitia tovuti hii, utaweza kupata taarifa kuhusu huduma zetu, miradi tunayoendesha, sheria na miongozo ya matumizi ya maji, pamoja na fursa mbalimbali zinazotolewa na taasisi.

Tunakukaribisha ujifunze zaidi, ushiriki nasi, na uwe sehemu ya juhudi za kulinda na kuhifadhi rasilimali za maji kwa maendeleo endelevu ya taifa letu.

Karibu sana!

ZIWA LETU | UCHUMI WETU | TULITUNZE